Экскурсия жетекшісі – экскурсия маманы. Ол музейлер мен туристік агенттіктерде жұмыс істей алады, көрмелер мен экспозицияларға, қалалық, аудандық көрнекті орындарға, сәулет ғимараттарына немесе қорықтарға, хайуанаттар бағына, ботаникалық бақтарға экскурсия жасай алады.
Сондықтан да Б. Майлин атындағы музей қызметкерлері мереке қарсаңында “Қайнар” өлкетану клубы аясында «Болашақ үшін өткен туралы: баршаға арналған музей» тақырыбында мастер-класс ұйымдастырды, оның аясында С. Ерғалиев атындағы ЖОББМ 5-6 сынып оқушылары өлкенің қызықты тарихын көріп қана қоймай, өздерін экскурсия жүргізуші ретінде байқап, сыныптастары мен мұғалімдеріне өз білімдерін көрсетті.
Аталған іс-шара отансүйгіштікке, Отанға деген сүйіспеншілік пен құрметке, эстетикалық, экологиялық және адамгершілік тәрбиеге тәрбиелеу, сондай-ақ оқушылардың ой-өрісін кеңейту мақсатында ұйымдастырылды.
Leave a Reply