Ғимарат бөлек, титік, бірақ арнайы музейй үшін салынды. Музей экспозициялық залдан, көрме бөлмесінен, фойеден, қызметкерлер үшін кабинеттерден және қор бөлмесінен құралған.
Музейдің жалпы көлемі 349,8 кв. м., негізгі 317,2 кв. м., әкімшілік 24,2 кв. м., қор 13,3 кв. м.
Музей қорында 9117 экспонат сақтаулы, оның ішінде негізгі қор 6919, ғылыми қосымша 1223. Сонымен қатар тоғыз мыңнан астам тас дәуірінің заттары бар археологиялық коллекциясы сақталуда.
Музей қорында өлкеміздің тарихы туралы мәліметтерге, селолық округтар туралы мағлұматтарға, соғысқа қатысушылардың, байырғы тұрғындардың естеліктеріне және Б.Майлинді қамауға алу туралы мұрағат құжаттарына, Е.Өмірзақовтың өмірі мен қызметі туралы фото суреттеріне және басқа да Б.Майлин жерінің тарихымен байланысты материалдарға көңіл аударылған.
Музей экспозициясы келесі стационарлық бөлімдерден тұрады:
- Б. Майлин ауданының археологиялық табыстары.
- Жануарлар мен өсімдіктер әлемі.
- Киіз үйінің ішкі көрінісі.
- ХІХ ғ. аяғы ХХ ғ. басы қоныс аударушылар үйінің ішкі көрінісі.
- Бір шаңырақ астында (өлке халықтары туралы).
- Б.Майлиннің мәңгі мұрасы.
- Өшпес жеңіс, өшпес оның солдаттары (соғыс ардагерлеріне арналған).
- Алғаш тың игерушілер шатырының ішкі көрінісі.
- Қазақстан Республикасының бірінші Президенті.
