Тобыл № 1 жалпы білім беретін мектебінің 85 жылдығына орай музейде «Жол басталған мектеп» атты фотодеректі көрме ұйымдастырылды.
Тобыл № 1 мектебі өз тарихын 1941 жылдан бастау алады. Көрмеге мектептің, оның педагогтері мен оқушыларының тарихын бейнелейтін 20-дан астам фотосурет, сондай-ақ мектептің алғашқы директоры Сероусқа арналған газет қиындысы қойылған.
Бүгінгі таңда мектепте 40 педагог еңбек етеді. Олардың арасында жоғары және бірінші біліктілік санаттары бар педагогтер, сондай-ақ педагог-зерттеушілер мен педагог-сарапшылар бар. Мұғалімдер КИО және «Дарын» РҒПӨО қашықтықтан өткізілетін олимпиадаларына қатысып, жүлделі орындарға ие болуда, халықаралық және республикалық конференцияларда баяндама жасап, олардың жинақтарында мақалаларын жариялап келеді.
Мектепте 403 оқушы білім алуда, олардың ішінде 72 үздік және 160 екпінді оқушы бар. Мектеп оқушылары пәндік олимпиадаларға, ғылыми-практикалық конференцияларға, халықаралық және республикалық интеллектуалдық конкурстарға белсенді қатысып, жүлделі орындарды иеленуде.
Оқушыларды жан-жақты дамытуға ерекше назар аударылады. Мектепте спорт секциялары жұмыс істейді, дзюдодан спорт шеберлігіне екі кандидат білім алуда. Оқушылар шет тілдерін, орыс тілін, Қазақстан тарихын және басқа да пәндерді оқып-үйренудегі жетістіктерін көрсете отырып, әртүрлі интеллектуалдық және ойын конкурстарына қатысады.
Мектепте балаларды оқыту мен дамытуға қажетті барлық жағдай жасалған. Мұнда асхана, шағын орталық, бақылау-өту пункті, заманауи компьютерлермен жабдықталған информатика кабинеті бар. Физика, химия, биология, тарих және қазақ тілі кабинеттері интерактивті тақталармен жабдықталған.
Мектептен тыс қызмет те белсенді дамуда: спорт секциялары жұмыс істейді, оқушылар мен мұғалімдердің КТК (КВН) командалары әрекет етеді.
«Жол басталған мектеп» фотодеректі көрмесі мектеп тарихымен танысып қана қоймай, оның дамуын, педагогтер мен оқушылардың жетістіктерін көруге, сондай-ақ ондаған жылдар бойы Тобыл № 1 мектебінің тарихын жасаған адамдар туралы естелікті сақтауға мүмкіндік береді.
Көрмені көру үшін мына сілтемеге өтіңіз: https://www.instagram.com/p/Dd0ndEMiBkR/?utm_source=ig_web_copy_link&stkn=MzRlODBiNWFlZA==
