Ағымдағы жылдың 10 қыркүйегінде Б. Майлин атындағы тарихи-өлкетану музейі Қазақстан халқының тілдері күніне арналған «Тіл – рухани мәдениеттің сақтаушысы» атты танымдық сағат өткізді. Іс-шараның мақсаты – рухани мұраны, ұлттық бірегейлік пен халықтың тарихи жадын сақтаудағы тілдің рөлін ашу, сондай-ақ мемлекеттік тілге және ана тіліне деген құрмет сезімін қалыптастыру болды.
Кездесу барысында қатысушылар қазақ тіл білімінің негізін қалаушы, Ұлт ұстазы Ахмет Байтұрсынұлының өмірімен және қоғамдық-ағартушылық қызметімен танысты. Тілдің халық мәдениеті мен тарихының маңызды құрамдас бөлігі ретіндегі мәніне ерекше назар аударылды. С. Ерғалиев атындағы мектеп оқушылары мен мәдениет саласының қызметкерлері танымдық викторинаға және «Мақалды жалғастыр» ойынына қатысып, тілге байланысты қазақ мақал-мәтелдерін еске түсірді.
Кездесу танымдық әрі достық атмосферада өтті. Қатысушылар қазақ тілі мен халықтың рухани мұрасы туралы білімдерін кеңейтіп, сондай-ақ Қазақстанда тұратын барлық этностардың тілдері мен мәдени дәстүрлеріне ұқыпты қараудың маңыздылығына тағы бір мәрте көз жеткізді.
