Ағымдағы жылдың 15 мамыр күні Б. Майлин атындағы тарихи-өлкетану музейінде музейдің құрылғанына 35 жыл толуына орай ұйымдастырылған «Музейдің өз тарихы бар» атты тақырыптық фотоқұжаттық көрменің салтанатты ашылуы өтті.
Іс-шараға Ардагерлер кеңесінің мүшелері, мәдениет саласының қызметкерлері, білім беру саласының өкілдері, қоғам белсенділері және музей достары қатысты. Кездесу барысында қонақтар музейдің құрылу тарихымен, оның негізін қалаушылармен, алғашқы қызметкерлері мен мекеменің дамуына елеулі үлес қосқан басшылармен танысты.
Көрмеде музей құрылысының кезеңдерін, 1991 жылғы ашылу сәтін, алғашқы экспозициялар мен музейдің әр жылдардағы қызметін бейнелейтін архивтік фотосуреттер ұсынылды. Қонақтар мен әріптестер тарапынан музей ұжымына жылы лебіздер мен алғыс сөздер айтылып, мерекелік көңіл күйді аудандық мәдениет үйі қызметкерлерінің музыкалық нөмірлері толықтырды.
35 жыл ішінде Б. Майлин атындағы тарихи-өлкетану музейі тарихи-мәдени мұраны сақтаудың, жас ұрпақты патриоттық және рухани-адамгершілік тұрғыда тәрбиелеудің маңызды орталығына айналды.
Музей ұжымы мерейтойлық іс-шараға қатысып, көпжылдық қолдау көрсеткен барлық қонақтар мен музей достарына шынайы алғысын білдіреді.
