Семенбай Ержанұлы Ержанов 1924 жылдың 5 қазанында Денисов ауданы Симоновка ауылында дүниеге келген. 1941 жылы Викторовка МТС тракторшылар курсын бітірді. 1942 жылдың қыркүйегінде Қостанай облыстық әскери комиссариаты Қызыл Армия қатарына шақырылды. Балтық майданының 234, 133 гвардиялық полкінде соғысқан. Литва-Вильнюс және Каунас қалаларын азат етуге қатысты. Шығыс Пруссия бағытындағы шайқастарға қатысқан. 1943 жылы кіші лейтенант атағымен бітірген Түмен жоғары командалық училищесіне жіберілді. 1956 жылға дейін әскер қатарында қызметін жалғастырды.
1956 жылы Хрущевке жазған хатынан кейін отбасымен бірге тыңға келді. 1962 жылы “Знамя Советов”совхозының партия комитетінің хатшысы болып тағайындалды. 1972 жылдың тамыз айында Қостанай облысы комсомол аудандық комитетінің екінші хатшысы болып тағайындалды. 1973 жылы Таран аудандық атқару комитетінің төрағасы болып тағайындалды.
Аудан басшылығы жылдарында көп жұмыс атқарылды: су құбыры, қуатты қазандық салынды, табиғи газ жүргізілді, Таран ауылында спорт залы, СПТУ-21, қонақ үй, дәріхана, Тобыл және аудан орталығында милиция ғимараты, байланыс торабы, Новоильиновка ауылында Тобыл өзені арқылы өтетін көпір, 18 пәтерлі тұрғын үйі бар Тобыл кенттік мектебі салынды. Бірнеше рет аудандық және облыстық Кеңестердің депутаты болып сайланды. Таран ауылын абаттандыру бойынша жүргізілген үлкен ұйымдастырушылық жұмысы үшін ауылдық кеңестің Атқарушы комитеті Семенбай Ержанұлына Таран ауылының бірінші құрметті азаматы атағын берді. 1990 жылдың мамыр айында Семенбай Ержанов Мәскеудегі Жеңіс шеруінде болып, М.Горбачев оған атаулы сағатын табыстады.
Қызыл Жұлдыз орденімен, Отан соғысы ордендерімен, “Кенигсбергті басып алғаны үшін”, “Жауынгерлік еңбегі үшін”, “1941-1945 жылдардағы Ұлы Отан соғысында Германияны жеңгені үшін”; еңбектегі жетістіктері үшін – “Құрмет Белгісі”, Халықтар Достығы ордендерімен марапатталған.
2016 жылғы 8 наурызда соғыс ардагері қайтыс болды.
Leave a Reply