Ағымдағы жылдың 3 шілдесінде Б. Майлин атындағы тарихи-өлкетану музейінің ұйымдастыруымен музей қоры коллекциясынан «Қазақ рухының қыл ішегі» атты домбыралар көрмесі ашылды.
Көрмеге дәстүрлі қазақ музыкалық аспаптары, сондай-ақ ауданның шығармашылық ұжымдарының қызметі, халық музыканттары мен мәдени іс-шараларға қатысушылар туралы баяндайтын фотоматериалдар қойылған. Келушілер қазақ музыка өнерінің байлығымен танысып, ұлттық аспаптардың концерттерде, фестивальдер мен мерекелік іс-шараларда қалай үн қатып, уақыт байланысы мен ұрпақтар сабақтастығын сақтап келе жатқанын тамашалай алады.
Қазақтың халық музыкалық аспаптары — халықтың рухани және мәдени мұрасының ажырамас бөлігі. Ғасырлар бойы олар адамды қуанышта да, жұбанышта да сүйемелдеп, Ұлы даланың тарихын, дәстүрін, дүниетанымы мен өзіндік ерекшелігін бейнелеп келді. Домбыра, қобыз және басқа да аспаптардың үні арқылы аңыздар, батырлық жырлар, халық даналығы мен ұрпақтар естелігі жеткізіліп отырды.
«Қазақ рухының қыл ішегі» көрмесіне қош келдіңіздер! Ішектердің сиқырлы үні әрбір келушіге қазақ музыкалық мәдениетінің бай әлемін ашсын.
