Ағымдағы жылдың 26 маусымында Б. Майлин атындағы тарихи-өлкетану музейінде балаларды қазақтың сәндік-қолданбалы өнерінің бай мұрасымен таныстыруға арналған «Жазғы өрнектер: қазақ ою-өрнектері өз қолымызбен» атты шеберлік сағаты өтті.
Іс-шара барысында балалар қазақ ою-өрнектерінің мәні мен әртүрлілігі, олардың символикасы және қазақ халқының мәдениетіндегі рөлі туралы білді. Бүлдіршіндер өрнектердің ең танымал түрлерімен, сондай-ақ ұлттық ою-өрнек өнерінде қолданылатын дәстүрлі түстермен танысты.
Балалар қазақ ою-өрнектерін ашық түсті нүктелермен безендіре отырып, мақта таяқшаларымен нүктелі сурет салу техникасында үлкен қызығушылықпен жұмыс істеді. Шығармашылық процесте қатысушылар өздерінің қиялдары мен ұқыптылықтарын, көркемдік талғамдарын танытып, ерекше әрі түрлі-түсті жұмыстарды дүниеге әкелді.
Іс-шара балалардың ұсақ моторикасын, қиялын дамытуға және ұлттық мәдениетке деген қызығушылығын арттыруға ықпал етті. Шеберлік сағатының соңында қатысушылар өз жұмыстарын ұсынды, олардың әрқайсысы ашық, өзіндік ерекшелігімен және қайталанбас сипатымен ерекшеленді.
