Ағымдағы жылдың 29 мамырында Б. Майлин атындағы тарихи-өлкетану музейінің қызметкерлері қазақтың ұлттық киімдеріне және оның қазақ халқының мәдениетіндегі маңызына арналған «Асыл Мұра» атты дәріс өткізді.
Шара барысында қонақтар дәстүрлі қазақ костюмінің қалыптасу тарихымен, ерлер мен әйелдер киімінің ерекшеліктерімен, ұлттық ою-өрнектермен және әшекейлермен танысты. Қатысушыларға ұлттық костюм элементтерінің символикасы, қазақ халқының дүниетанымын, салт-дәстүрі мен өмір салтын бейнелейтін бас киімдердің, әшекейлер мен дәстүрлі ою-өрнектердің маңызы туралы айтылды.
Ұлттық киімнің мәдени мұраны сақтаудағы және ұрпақтар сабақтастығындағы рөліне ерекше назар аударылды. Сондай-ақ бүгінде дәстүрлі костюм элементтері заманауи мәдениетте, мерекелер мен ұлттық іс-шараларда жиі қолданылып, халықтық дәстүрлерді дәріптеуге және өз халқының тарихына деген құрметті арттыруға ықпал ететіні атап өтілді.
