«Таза Қазақстан» бағдарламасын жүзеге асыру аясында ағымдағы жылдың 23 сәуірінде Б. Майлин атындағы тарихи-өлкетану музейінің қызметкерлері Б. Майлин атындағы мектептің 8-сынып оқушыларына арналған «Эко – разум» атты табиғат туралы экологиялық викторина өткізді.
Іс-шара барысында оқушылар 2024 жылдың сәуір айында Қазақстан Республикасының Президенті Қасым-Жомарт Тоқаевтың бастамасымен қолға алынған бағдарламаның мақсаттары мен негізгі бағыттарымен танысты. Табиғатқа ұқыпты қарау, экологиялық мәдениетті қалыптастыру және әр адамның қоршаған ортаның жай-күйіне деген жеке жауапкершілігіне ерекше назар аударылды.
Викторина барысында оқушылар «Қалдықтар мен қоқыс туралы не білеміз?» атты тапсырмаға қатысып, тақырыптық сұрақтарға жауап беріп, экология және қалдықтарды қайта өңдеу бойынша білімдерін бекітуге бағытталған интерактивті тапсырмаларды орындады.
Іс-шара танымдық бейнематериалды көрумен сүйемелденді, бұл қоршаған ортаны қорғау тақырыбын көрнекі түрде түсінуге мүмкіндік берді.
Іс-шара соңында оқушылар табиғатты сақтаудың маңыздылығын атап өтіп, қоршаған ортаның тазалығын сақтау әр адамның жеке үлесіне байланысты екенін қорытындылады.
