Қазақстан Республикасының медицина қызметкері күніне орай тарихи-өлкетану ммузейінің қабырғасында аудандық аурухана дәрігері А.К.Никитин туралы «Дәрігер болу борышым» атты жеке фотоқұжаттық көрме ұйымдастырылды.
Оның аясында дәрігер-отоларинголог Александр Калиевич Никитиннің фотосуреттер кешені, жетістіктері мен еңбек жолы ұсынылған.
Никитин Александр Қалиевич 1950 жылы 15 қарашада Қостанай облысы Қарасу ауданы Жұмағұл ауылында дүниеге келген. 1968 жылы мектепті бітірген соң өзінің Қарасу орта мектебінде дене шынықтыру пәнінен сабақ берді. 1975 жылы Қарағанды мемлекеттік медицина институтының дайындық бөліміне оқуға түсіп, емтихандарды сәтті тапсырғаннан кейін бір жыл өткен соң ҚММИ-нің 1 курсына оқуға түсіп, оны 1982 жылы маусым айында «Жалпы медицина» мамандығы бойынша бітірді. Сол жылы Қостанай облыстық ауруханасында дәрігер-оториноларинголог мамандығы бойынша интернатураны аяқтады.
1983 жылдың 10 қазанынан бүгінгі күнге дейін Бейімбета Майлина ауданы аудандық ауруханасында ЛОР дәрігері болып қызмет атқарып келеді.
Leave a Reply