Біздің өңірімізге танымал өлкетанушы, Ұлы Отан соғысының ардагері Иван Иванович Дьячковтың туғанына 100 жыл толуына орай Б.Майлин атындағы тарихи-өлкетану музейінің қызметкерлері «Навеки в памяти людской» атты фотоқұжаттық көрме ұйымдастырды, онымен музейге барған кезде танысуға болады.
Иван Иванович Дьячков 1921 жылдың 21 қыркүйегінде Қостанай облысы Таран ауданы Оренбургский ауылында дүниеге келген. Мұнда бастауыш мектепті бітірді. Орта білімді Викторовка ауылында алды. Бір жылдық курстарды аяқтағаннан кейін Викторовка орта мектебінде сабақ берді.
Иван Иванович Дьячковтың бүкіл өмірі қостанайлықпен байланысты. Туған өлкеден ұзақ уақытқа тек бір реет – майданға кетуге тура келді. 1941 жылдан 1944 жылға дейін фашистермен болған ұрыстарда Курск шайқасына, Днепрден өту және Киевті азат ету, жау Корсунь-Шевченков топтарын талқандау және Молдавияны азат ету кезеңіне қатысты.
Соғыстан кейін 20 жыл партиялық жұмыста болды, №1 Рудный техникалық училищесін және кәсіптік-техникалық білім беру оқушыларының облыстық техникалық шығармашылық үйін құрды және 20 жыл басқарды. Қалада тарихи-өлкетану музейінің негізін қалады.
Жад ғылымы И.И. Дьячковтың өмірлік ұстанымына айналды: өмір бойы ол тарихи-өлкетану және мәдени-ағарту жұмыстарын жүргізді, КСРО және Қазақ КСР Журналистер Одағының мүшесі, Рудный музейінің құрметті директоры және қаланың құрметті тұрғыны болды. Ордендермен, медальдармен, айырым белгілерімен марапатталған, КСРО кәсіби-техникалық білім беру жүйесінің үздігі, ҚР құрметті мәдениет қайраткері, дербес зейнеткер.
2015 жылдың 15 шілдесінде соғыс ардагері өмірден озды.
#БейімбетМайлинауданы
#БейімбетМайлинатындағымузейі
Leave a Reply