Б. Майлин атындағы тарихи-өлкетану музейінің қызметкерлері төтенше жағдайлар қызметіне жалған қоңырау шалудың алдын алу мақсатында түсіндіру әңгімесін өткізді. Іс-шара барысында қатысушыларға жалған шақыртудың салдары, мұндай әрекеттер үшін қарастырылған жауапкершілік және төтенше жағдай кезінде дұрыс әрекет етудің маңыздылығы туралы айтылды. Сондай-ақ тақырыпты тереңірек түсіндіру мақсатында жалған хабарламалардың арнайы қызметтердің жұмысына тигізетін әсері мен салдарын көрсететін бейнеролик көрсетілді.
