Ағымдағы жылдың 3 ақпанында Б. Майлин атындағы тарихи-өлкетану музейінің қызметкерлері “Айгөлек” балабақшасының қызметкерлері үшін “Бейімбет Майлин ауданының білім беру тарихы” атты дәріс өткізді. Іс-шара Туған өлке туралы білімді кеңейтуге және оның тарихи өткеніне құрметпен қарауды қалыптастыруға бағытталған.
Дәріс барысында қатысушылар 1935 жылғы 29 желтоқсанда ауданның құрылуы, оның Қостанай облысының құрамына кіруі, сондай-ақ 2019 жылы Бейімбет Майлин ауданы болып қайта аталуы туралы білді. Алғашқы елді мекендердің тарихына, Ұлы Отан соғысының оқиғаларына және аудан тұрғындарының Жеңіске қосқан үлесіне ерекше назар аударылды.
Дәріс Шағын Отан тарихына қызығушылық тудырып, танымдық және мазмұнды түрде өтті.
