Ағымдағы жылдың 24 желтоқсанында Б. Майлин атындағы тарихи-өлкетану veptqінің қызметкерлері қысқы мерекелер қарсаңында Красносельск мектебінің оқушылары үшін “Жаңа жылға бастар саяхат” атты жаңа жылдық квест-ойын ұйымдастырды.
Қатысушыларды танымдық саяхат элементтері бар қызықты ойын бағдарламасы күтіп тұрды. Балалар Жаңа жылды мерекелеу тарихымен, оның дәстүрлері мен рәміздерімен танысты, Аяз Ата мен Ақшақардың бейнелері туралы білді, сондай-ақ ойындармен, жұмбақтармен және шығармашылық тапсырмалармен тақырыптық станцияларға қатысты.
Квест-ойын барысында балалар зейін, ептілік, логика мен тапқырлыққа арналған тапсырмаларды орындады, қысқы жұмбақтарды шешті, жаңа жылдық және қысқы ертегілердің кейіпкерлерін еске түсірді, Жаңа жылдың басталуына байланысты Сиқырлы сағаттар үшін “сандарды” жинады.
Іс-шараның финалы Аяз Ата мен Ақшақардың салтанатты түрде пайда болуы, жаңа жылдық сағаттарды қалпына келтіру және қатысушыларға тәтті сыйлықтар табыстау болды.
Іс-шара жылы, мерекелік атмосферада өтті, балаларға қуаныш, жағымды эмоциялар мен жаңа жылдық көңіл-күй сыйлады.
