Ағымдағы жылдың 12 қарашасында Б. Майлин атындағы тарихи-өлкетану музейінің қызметкерлері қазақтың көрнекті жазушылары Бейімбет Майлин, Сәкен Сейфуллин және Ілияс Жансүгіровтың шығармашылығына арналған “ұлы өзгерістер шежірешілері” атты жылжымалы фотоқұжаттық көрме ұйымдастырды.
Көрмеде жазушылардың өмірі мен шығармашылық жолын, олардың қазақ әдебиеті мен мәдениетін дамытуға қосқан үлесін бейнелейтін фотоматериалдар ұсынылған. Келушілер жаңа ұлттық сөз өнері қалыптасқан уақыт туралы сирек кездесетін суреттерді көре алады. Көрме классиктердің әдеби мұрасын насихаттауға және туған өлкенің тарихы мен мәдениетіне деген қызығушылықты арттыруға бағытталған.
