25.02.2020 18:28

Опубликовано : 14 December 2018

0

1942 жылдың тамыз айында Тюменьдегі жаяу әскер училищесінде оқып жүрген кезінде, Қызыл Армия қатарына шақырылды. Барлық курсанттарды алғы шепке жіберді. Пипчук 1943 жылы Курск доғасында 193 полктің 66 гвардия дивизисяның құрамында болып, ұрысқа бірінші рет қатысты. Сол жылдың қыркүйек айында жараланып, госпитальда жатады. Жауынгер жолдастарымен бірге әскери тапсырмаларды орындаған. Жауға шабуыл, торуылдар жасап, басып алуларға қатысқан.

Васили Иванович естелігінен: «Түнде бөліміміз Бугқа жақындап барды. Оң жағалауынан снарядтар мен миналар атылды, оқтар басымыздың үстінен зымырап өтті. Әскерімізге өзеннен өту керек еді. Маған және тағы екі жауынгерге қайықпен көп сулы көлмен өтіп, барлауға бару керек болды. Снарядтардың жарылуы суды жоғарға көтеріп, үстімізге салқын су құйылды, бірақ біз аралға қарай тез жақындадық. Онда ешкім болған жоқ. Бір сағаттан кейін аралға жаяу әскер батальоны жетеді. Таң атарда көлдің оң жағалауына екпінді шабуыл жасалды. Осы «шағын жерімізде» дивизия командирі маған бірінші наградам – ІІІ дәрежелі Даңқ орденін тапсырды».

1944 жылдың тамыз айында ұрыссыз Сармашел станциясын басып алғаны үшін, оған КСРО Кеңесінің Жоғарғы Төралқа Жарлығымен ІІ Дәрежелі Даңқ ордені берілді.

Ал 1945 жылдың наурыз айының 24 күні Пипчук В.И. – І Дәрежелі Даңқ орденімен марапатталды.

Пипчук Василий Иванович 1945 жылдың 24 маусым, 1985 жылдың 9 мамыр, 1990 жылдың 9 мамыр айында Мәскеудің Қызыл алаңында болған шерулердің қатысушысы болды.

Leave a Reply

Your email address will not be published. Required fields are marked *