Ағымдағы жылдың 9 сәуірінде Әйет ауылының ардагерлер кеңесі үшін музей қабырғасында «Қазақстанның рухани киелі орындары» атты танымдық сағаты ұйымдастырылып, ол Қостанай облысы бойынша республикалық киелі картаға енгізілген 10-ға жуық нысанды баяндайтын бейнероликті тамашалаудан басталды. Төменде республикалық және жергілікті маңызы бар тізілімге енгізілген киелі орындар көрсетілген презентация берілген. Шара барысында Қазақстанның тарихи ескерткіштері мен киелі жерлерін, әсіресе, халық арасында кеңінен насихаттау және зерделеу қажеттігі айтылды.«Қазақстанның қасиетті географиясы» жобасы ұлттық бірегейлікті сақтаудың маңызды құрамдастарының бірі болып табылады. Шара соңында келген қонақтармен диалог ұйымдастырылып, Қазақстанның киелі жерлері туралы алған әсерлерімен, білімдерімен бөлісті.
Leave a Reply