1 ақпан күні Б. Майлин атындағы тарихи-өлкетану музейінің қызметкерлері “Заң адамдарына арналады” фотоқұжаттық онлайн-көрмесін ұйымдастырды. Оның аясында біз сіздерді жерлесіміз, генерал-полковник Геннадий Павлович Луценконың еңбек және жеке өмірбаянымен таныстырғымыз келеді.
Ол 1940 жылы 7 қарашада Қостанай облысы Таран ауданы Викторовка ауылында дүниеге келген.
Магнитогорск қаласындағы техникалық училищені бітіріп, металлургия комбинатында машинист-оператор болып жұмыс істеді.
1965 жылы Пермь мемлекеттік университетіне оқуға түсіп, 1969 жылы Қостанай облысы Семиозер ауданының прокуратурасына таратылып, тағылымгер, кейін тергеуші болып жұмыс істеді.
1972-1981 жылдары – Рудный қаласы прокуратурасының аға тергеушісі, Боровской ауданының прокуроры, Қазақстан Компартиясы Қостанай облыстық комитетінің нұсқаушысы, облыстық партия комитетінің әкімшілік органдар бөлімінің меңгерушісі.
1985-1992 жылдары Қостанай және Солтүстік Қазақстан облыстарының прокуратура органдарын басқарды. Осы күнге дейін ол туралы Солтүстік Қазақстан облысы прокуратурасының қызметкерлері ризашылықпен еске алады, онда Геннадий Павлович облыстық прокуратураға қызметтік пәтерлер мен ғимараттар бөлуге қол жеткізді.
1995-1996 жылдары Қостанай облысы прокурорының заңнаманы және ақпаратты жүйелеу жөніндегі аға көмекшісі болып жұмыс істеді, одан зейнеткерлік жасқа толғанда құрметті демалысқа шықты.
Өмір бойы ол заңгердің жоғары адами және кәсіби қасиеттерін бойына сіңірді. Оның еңбегі “Еңбектегі ерлігі үшін”, “Тың жерлерді игергені үшін”, “Еңбек ардагері”, “Фашистік Германияны жеңгені үшін 20 жыл” медальдарымен, “Прокуратураның құрметті қызметкері”, “Ұлы Отан соғысындағы Жеңіске 50 жыл”, “Қазақстан Республикасының тәуелсіздігіне 20 жыл”, “Қазақстан Республикасының прокуратурасына 20 жыл” төсбелгісімен белгіленген.
Әйелі Галина Ивановнамен бірге қызын Натальяны тәрбиелеп өсірді, ол әкесінің жолымен жүрді және кәсіби жол ретінде заң саласын таңдады.
Leave a Reply