Ағымдағы жылдың 30 шілдесінде Б. Майлин атындағы тарихи-өлкетану музейінде Қостанай облысының құрылғанына 90 жыл толуына орай «Қостанай өлкесі: көпжылдық тарих беттері» атты дәріс өткізілді.
Дәріс барысында қатысушылар Қостанай облысының құрылуы, оның дамуының негізгі кезеңдері, Ұлы Отан соғысы жылдарындағы өңір тұрғындарының қосқан үлесі, тың жерлерді игеру және облыстың қазіргі заманғы жетістіктері туралы білді. Сондай-ақ қонақтар Қостанай өңірінің көрнекті тұлғалары — Ыбырай Алтынсарин, Бейімбет Майлин және ауданның басқа да көптеген белгілі азаматтарының өмірі мен қызметімен танысты. Кездесу соңында пікірталас өтіп, оның барысында қатысушылар өз білімдерімен бөлісіп, туған өлке тарихы бойынша сұрақтарға жауап берді.
Іс-шара Қостанай облысының тарихы туралы білімді кеңейтуге, тарихи мұраға құрметпен қарауды тәрбиелеуге және туған өлкеге деген мақтаныш сезімін қалыптастыруға ықпал етті.
