25.02.2020 19:05

Опубликовано : 14 December 2018

0

Қазақ әдебиеті классигінің суреті. Қазақ әдебиетінің классигі, ақын, прозаик және драматург Бейімбет Майлин 1894 жылы, қазіргі Қостанай облысы, Таран ауданы, Ақтөбе ауылында, «Әйет» өзенінің бойында дүниеге келген.

Екі жасында әкесіз, жеті жасында анасыз қалған кішкентай Бейімбет, әкесінің туыстарының тәрбиесінде болады. Жоқшылықтан жеті жасар Бейімбет байдың қойын бағады. Табиғатынан дарынды Бейімбет, өмірдің әр белесі жайлы ойланатын. Өзінің қабілеттілігімен және әкесінің туыстарының арқасында, жасынан орташа білім алады. Ауылдық және болыстық мектепті бітіріп, бір жыл «Уәзифада» (Троицк қ.) екі жылдай Уфадағы «Ғалия» татар медресесінде оқиды.

Б.Майлин жазуды 1912 жылдан, баспаға шығаруды 1913 жылдан бастаған. Сол кезде Бейімбет жақын ауылдарға «суырып салма ақын» деген атаққа ие болған. Оның өлеңдері күнделікті тұрмысқа, байлардың, молдалар мен қарапайым халықты тонауына арналып, ашық, өткір болып шығатын. Бейімбет көп уақытын орыс тілін үйренуге жіберіп, Л.Н.Толстой, Н.В.Гоголь, А.П. Чехов, А.М.Горькийдің шығармаларымен танысады.

1916-1919 жылдары Б.Майлин өзінің туған ауылы Ақтөбеге келіп, Мұғалім болып, шеберлігін шыңдай түседі. Сол кездегі қазақ басылымдарында, яғни газет-жорналдарда оның өлеңдері, әңгімелері жиі жарық көретін. 1924 жылы Бейімбет Қостанайда «Жаңа ауыл» газетінін редакторы болып, бір жылдан кейін республикалық «Еңбекші қазақ» газетінде қызмет істейді.

1926 жылдан 1936 жылға дейін ол республикалық газеттерде, баспаларда жұмыс істеп, 1936-1937 жылдары «Қазақ әдебиеті» газетінің редакторы болады.

1938 жылдың 26 ақпанында Бейімбет Майлин Сталиндік зұлымдықтың құрбаны болып, қаза тапты.

Leave a Reply

Your email address will not be published. Required fields are marked *