Өткен жұма, 11 қыркүйек күні аудандық орталық аудандық кітапхана базасында Б. Майлин атындағы тарихи-өлкетану музейінің қызметкерлері мен аудандық орталық кітапхана қызметкерлері диалог алаңын ұйымдастырды, оның барысында Мемлекет Басшысы Қасым-Жомарт Тоқаевтың “Жаңа жағдайдағы Қазақстан: іс-қимыл уақыты” атты Қазақстан халқына Жолдауы талқыланды.
Талқылауға 11 адам қатысты. Диалог алаңына қатысушылар білім және ғылым жүйесін дамыту, отбасылық-демографиялық ахуалды жақсарту, ШОБ қолдау, экологияны жақсарту, тұрғын үй саясатын іске асыру және т.б. бойынша бағдарлар мен қойылған міндеттерді егжей-тегжейлі талқылады.
Талқылауды кітапхана жүйесінің басшысы Гаухар Жақсылыққызы Асанова ашты. Ол Мемлекет басшысының кезекті Жолдауы дүниежүзілік пандемияны ескере отырып, еліміздің жаңа өмір жағдайларына арналғанын атап өтті.
Тарихи-өлкетану музейінің басшысы Светлана Алексеевна Рудик өз сөзінде Президенттің ауылды дамыту және ауыл халқының өмірін жақсарту жөніндегі бастамаларын оң бағалады.
Қорытындылай келе, диалог алаңына қатысушылар бірауыздан Бейімбет Майлин ауданының мәдениет қызметкерлері Мемлекет басшысының Жолдауында айтылған бастамалар мен нақты қадамдарды толық қолдайтынын және өздерінің кәсіби құзыреті мен азаматтық борышы шеңберінде қойылған мақсаттарға сапалы қол жеткізу үшін бар күш-жігерін салатынын атап өтті.
Leave a Reply